Քեյթ Բուշ
| Քեյթ Բուշ | |
|---|---|
.png) Բուշը 1986 թվականին | |
| Հիմնական տվյալներ | |
| Բնօրինակ անուն | Kate Bush |
| Ի ծնե անուն | Քեթրին Բուշ |
| Ծնվել է | հուլիսի 28, 1958.svg){kind=small} Բեքսլեյհիթ, Կենտ, Միացյալ ԹագավորությունBexleyheath, Բեքսլի, Մեծ Լոնդոն, Անգլիա, Միացյալ Թագավորություն |
| Երկիր | Մեծ Բրիտանիա |
| Ժանրեր | Արտ փոփ, Արտ ռոք, Փոփ ռոք |
| Մասնագիտություն | Երգչուհի, երգահան, երաժիշտ, պարուհի, պրոդյուսեր |
| Երգչաձայն | սոպրանո |
| Գործիքներ | Վոկալ • Դաշնամուր • Սինթեզատոր |
| Գործունեություն | 1975—ներկա |
| Լեյբլ | ԷՄԻ, Columbia Records, Harvest Records և EMI |
| Կրթություն | London South East Colleges? |
| Անդամակցություն | PRS for Music? |
| Պարգևներ | |
| Կայք | katebush.com |
 Kate Bush Վիքիպահեստում | |
Քեյթ Բուշ (անգլ.՝ Kate Bush, հուլիսի 30, 1958[2][3][4], Bexleyheath, Բեքսլի, Մեծ Լոնդոն, Անգլիա, Միացյալ Թագավորություն), անգլիացի երգչուհի, երգահան, երաժիշտ, պարուհի և պրոդյուսեր։ 1978 թվականին, երբ դեռ 19 տարեկան էր, իր դեբյուտային սինգլով՝ Wuthering Heights-ով չորս շաբաթ շարունակ գլխավորեց UK Singles Chart-ը, դառնալով առաջին կին երաժիշտը Անգլիայում, ում ինքնուրույն գրված երգը գրավեց առաջին հորիզոնականը այդ հիթ-շքերթում[5]։
Բուշի երգացանկից 25 սինգլ մտել են Անգլիայի թոփ 40 շքերթ, ներառյալ թոփ-10 հիթեր The Man with the Child in His Eyes, Babooshka, Running Up That Hill, Don't Give Up (դուետ Փիթեր Գեբրիելի հետ) և King of the Mountain։ Նրա բոլոր 10 ալբոմները գրավել են թոփ-10 հորիզոնականներ, ներառյալ համար մեկ դարձած Never for Ever (1980), Hounds of Love (1985) և The Whole Story (1986)։ Նա առաջին անգլիացի սոլո կին արտիստն էր, ով գրավեց առաջին հորիզոնականը Անգլիական ալբոմների շքերթում[5]։
Բուշը սկսել է ստեղծագործել 11 տարեկան հասակից։ Նա գրանցվեց EMI Records-ում, երբ Pink Floyd-ի կիթառիստ Դեյվիդ Գիլմորը նրան օգնեց ստեղծել իր առաջին դեմո երգը։ Բուշի դեբյուտային ալբոմը՝ The Kick Inside, թողարկվեց 1978 թվականին։ Դրանից հետո Բուշը սկսեց ձեռք բերել գեղարվեստական ազատություն և 1982 թ.-ից սկսված սկսեց դառնալ իր բոլոր ալբոմների պրոդյուսերը։ Յոթերորդ ու ութերորդ ալբոմերի միջև ընկած ժամանակահատվածում՝ 1993 թ.-ից (The Red Shoes) մինչև 2005 թ. (Aerial), Բուշը երաժշտությամբ չզբաղվեց։ Նա բեմ վերադարձավ 2014 թ.-ին Before the Dawn կոչվող համերգով, որը նրա առաջին շոուն էր 1979 թ.-ի The Tour of Life շրջագայությունից հետո։
Բուշի էկլեկտիկ և էքսպերիմենտալ երաժշտական ոճը, նրա երգերի յուրահատուկ բառերը, ինչպես նաև նրա գրական թեմաները ոգեշնչել են բազում արվեստագետների։ Նա նոմինացվել է 13 British Phonographic Industry մրցանակների, հաղթելով 1987 թ.-ին որպես լավագույն բրիտանացի կին արտիստ[6], և նոմինացվել է երեք Գրեմմի մրցանակի։ 2002 թ.-ին արժանացավ Ivor Novello մրցանակին՝ բրիտանական երգարվեստի մեջ ակնառու ներդրման համար։ Բուշը 2013 թ.-ին ստացավ Բրիտանական կայսրության ամենագերազանց շքանշանը՝ իր բարձրագույն երաժշտության համար[7][8]։ Երկու անգամ՝ 2018 և 2021 թթ., առաջադրվել է ներգրավվել Ռոքնռոլի փառքի սրահում[9][10]։
Սկավառակագրություն
[խմբագրել | խմբագրել կոդը]- The Kick Inside (1978)
- Lionheart (1978)
- Never for Ever (1980)
- The Dreaming (1982)
- Hounds of Love (1985)
- The Sensual World (1989)
- The Red Shoes (1993)
- Aerial (2005)
- Director's Cut (2011)
- 50 Words for Snow (2011)
Ծանոթագրություններ
[խմբագրել | խմբագրել կոդը]- ↑ https://www.rollingstone.com/music/music-news/flashback-david-gilmour-and-kate-bush-sing-comfortably-numb-53422/
- ↑ FemBio տվյալների շտեմարան (գերմ.)
- ↑ Բրոքհաուզի հանրագիտարան (գերմ.)
- ↑ Չեխիայի ազգային գրադարանի կատալոգ
- ↑ 5,0 5,1 «Kate Bush's only tour: pop concert or disappearing act?». the Guardian (անգլերեն). 2010 թ․ մայիսի 13. Վերցված է 2021 թ․ նոյեմբերի 28-ին.
- ↑ «Kate Bush». web.archive.org. 2014 թ․ հոկտեմբերի 9. Արխիվացված է օրիգինալից 2014 թ․ հոկտեմբերի 9-ին. Վերցված է 2021 թ․ նոյեմբերի 28-ին.
- ↑ «Page 7 | Supplement 60367, 29 December 2012 | London Gazette | The Gazette». www.thegazette.co.uk. Վերցված է 2021 թ․ նոյեմբերի 28-ին.
- ↑ «BBC News – New Year Honours 2013: At a glance». BBC. 2012 թ․ դեկտեմբերի 29.
- ↑ CNN, Lisa Respers France. «Rock and Roll Hall of Fame 2018 nominees announced». CNN. Վերցված է 2021 թ․ նոյեմբերի 28-ին.
{{cite web}}:|last=has generic name (օգնություն) - ↑ «Nominees Announced for 2021 Induction | Rock & Roll Hall of Fame». www.rockhall.com. Վերցված է 2021 թ․ նոյեմբերի 28-ին.